Ronnie De Reese, ondervoorzitter van Toneelkring Onder Ons, heeft volgende nieuwjaarswens:
“As rasechte Blankenbergenoare
Wens ‘k junder een goeie gezoendheid van de joare
We beleven nu wel onzekere tieden
Mo met een poar roare sjarels op de weireld, moeilijk te mieden
Den einen wil, wat dat ie ip ’t oge hèd, ofpakken
En den anderen, nog niet an ‘t schutteltje, hoalt zijn geld al uut de zakken
Alles droait vandaag roend macht en geld
Gelik of dat de geweune vint in de stroate nie mè telt
As ‘Krak 2023’ met de toneilkrieng Oender Ons van 151 joar oed in m’n erte
Kiek ‘k ebitje somber in de verte
Mien wens voe vandejoare, lieve menschen
Is etwadde dat ieder Oender Onser ook zoe willen wenschen
Dat is da me ekir an een vaste ipslagplatse vor de decors zoen geroaken
Zoender da me uus no de toekomste toe nie mè oengerust zoe moeten moaken
’t Is ’t hopen da m’n wenschen van de joare in vervullienge goan
Ton kunnen we were met e gerust erte voe junder ip de planken stoan
’t Was e plezier van da stiksje te schrieven
Azowe koste ‘k eki ’t ein en ’t ander uutwrieven
Bekiekt 2025 deur e roze bril
En… doe wa da je wil!” (WK)
Fout opgemerkt of meer nieuws? Meld het hier