Jankepóót

© Davy Coghe
Mark Van de Voorde
Mark Van de Voorde Medewerker KW

Mark Van de Voorde schrijft onder zijn alter ego Siessewat junior elke week een cursiefje in het Brugsch Handelsblad, waarbij hij op een ludieke manier én volledig in ‘t Brugs de actualiteit onder de loep neemt.

De inhoud op deze pagina wordt momenteel geblokkeerd om jouw cookie-keuzes te respecteren. Klik hier om jouw cookie-voorkeuren aan te passen en de inhoud te bekijken.
Je kan jouw keuzes op elk moment wijzigen door onderaan de site op "Cookie-instellingen" te klikken."

Meeër of zeven miljoeën menschen kwamen no Brugge verlede joare. Tsestig percent meeër of in 2021. Nie slicht. Mo ja, zovil volk ip stroate is vo de Bruggeliengen nie olsan geeëstig. Vwala, m’ hèn ’n reden vo te klagen zi. Jamo wachte, ‘t is wal zeven persent minder of vo corona. Jankepóóten moen toch e bitjie kontent zien? Mor andere zoen durven zeggen da minder of vordieën ‘n drama is. Vwala, nog ’n kir ‘n reden vo te klagen zi.

Jamo wachte, ter zien ook nog nóóis zovil Belgen no Brugge gekommen of verlede joare. Os da gin goe nieuws is, zand in eejgen land zien! Jamo, zeggen sommigte, landgenóóten bluuven mor eeën dag, en dat is nie goeëd vo d’ hotils. Vwala, were ‘n reden vo te klagen en te zagen. On ze ton lieëver hèn dan der meeër buutenlanders zoen kommen?

Ook dorover zien de meeëniengen verdeeëld. Ter zien der die ton ‘n Rousseautjie doeën: ‘Als ik door… Brugge rijd, voel ik mij niet in België.’ Mor ook die uutsprake kan j’ an-klagen: dat da xenofobe klap is. Andere roespeteren tegen die uutsprake vor ‘n andere reden. Namentlik da je nie moe zeggen: …voel ik me niet thuis in België. Mo je moe zeggen: …voel ik me niet thuis in Vlaanderen. Van dedieë willen hunder nie thuus foeëlen in Belgie.

Menschen doen nie lieëver of zagen en klagen. Pak d’ economieë. Den omzet van de Brugsche bedrieven is verlede joare, oendanks – of is ‘t deur de kriezies? -, gestegen mè 16 persent. Ter is zovil werk biegekommen da ‘t aantal vacatures met ‘n kart is gestegen. En toch klagen d’ oendernemers.’n Oekd gezegde past hieër: gif de stoefers ‘n bróód, de klagers en hèn gin nóód. Of past dat ander: duuvelszak is nóóis vul?

Lees meer over:

Zeg et ne keer

Waar heb je een fout gezien of heb je zelf een suggestie? Laat het ons dan weten.